2022 წლის 15 მარტს თბილისის იუნუს ემრეს სახელობის ინსტიტუტში ებრუს ტრადიციული ხელოვნების შემსწავლელი კურსი დაიწყო.

ებრუს თურქულ ხელოვნებაში მნიშვნელოვანი ადგილი უჭირავს. კურსი, რომლითაც სხვადასხვა ასაკის ადამიანები დაინტერესდნენ, თეორიული მასალის მიწოდებით დაიწყო. კურსის მონაწილეები დაეუფლებიან ებრუს ხატვის ტექნიკას და მიეცემათ შესაძლებლობა თავად შექმნან ნახატი. 

ებრუს პედაგოგმა დარიკო ჩიხლაძემ პირველ გაკვეთილზე ისაუბრა ებრუს ხელოვნებისთვის საჭირო მასალებისა და მათი მომზადების შესახებ.

ამ სემესტრში ვგეგმავთ უფრო მეტი ტექნიკა შევასწავლოთ და ცოდნის გაღრმავებაში ხელი შევიწყოთ ჩვენს მსმენელებს, რომლებმაც გასულ სემესტრში შეისწავლეს ებრუს ხელოვნება. ახალი მსმენელები კი პედაგოგის დახმარებით  ებრუს ხელოვნების საბაზისო ცოდნას მიიღებენ.

კურსი გაგრძელდება 2 თვე, კვირაში 6 საათი. კურსის დასასრულს მსმენელებს მონაწილის სიგელი გადაეცემათ.