იუნუს ემრეს ლექსები ქართულ ენაზე ითარგმნა
იუნუს ემრე თურქი ხალხის აღზრდილი უდიდესი სუფი, თურქული ენისა და ლიტერატურის ისტორიის უთვალსაჩინოესი პოეტთაგანია. 1238 წელს დაიბადა ესქიშეჰირში და 1321 წელს ამავე ქალაქში გარდაიცვალა. იუნუს ემრეს პოეზიას საფუძვლად უდევს ყველა ადამიანის მიმართ სიყვარული, პატივისცემა და ტოლერანტობა, განურჩევლად მათი წარმომავლობისა.
2021 წელი იუნესკომ იუნუს ემრეს გარდაცვალებიდან 700 წლისთავთან დაკავშირებით იუნუს ემრეს წლად გამოცხადდა. ამასთან დაკავშირებით ინსტიტუტის მხარდაჭერით გამოიცა ლიტერატურის მთარგმნელთა ასოციაციის მიერ ქართულ ენაზე თარგმნილი კრებული „იუნუს ემრეს პოეზია“.
კრებული იუნუს ემრეს პოეზიის პირველი ქართული გამოცემაა, რომელიც დიდ ინტერესს გამოიწვევს ლიტერატურ წრეებსა და პოეზიის მოყვარულებში. ქართველ მკითხველებს წარმოდგენას შეუქმნის იმ პოეტის სამყაროს, პოეზიისა და მისი სრულყოფილი მხატვრული სტილის შესახებ, რომელიც თურქულ სამყაროში დიდი პოპულარულობითა და სიყვარულით სარგებლობს.
ქართველმა მთარგმნელებმა და პოეტებმა შექმნეს პოეზიის საინტერესო ნიმუშები ქართულ ენაზე თურქოლოგების მიერ შესრულებული პწკარედული თარგმანების საშუალებით.
2021 წლის 30 ნოემბერს საქართველოს ეროვნულ მუზეუმთან არსებულ თბილისის ისტორიის მუზეუმის საგამოფენო დარბაზში თბილისის იუნუს ემრეს სახელობის ინსტიტუტის ინიციატივით წიგნის პრეზენტაცია შედგა.
წიგნის წარდგენას თურქეთის რესპუბლიკის ელჩი საქართველოში ფატმა ჯერენ იაზგანი, ბრაზილიის ფედერალური რესპუბლიკის ელჩი საქართველოში ოსვალდო ბიატო ჯუნიორი, გერმანიის ელჩი საქართველოში ჰუბერტ კნირში, ყაზახეთის ელჩის მეორე მდივანი საქართველოში იერლან ბერგენევი, ორგანიზაცია „თიკა“-ს თბილისის კოორდინატორი თუბა ოზუთოქი, საქართველოს ეროვნული მუზეუმის გენერალური დირექტორი დავით ლორთქიფანიძე, საქართველოს საპატიო კონსულის თანაშემწე იზმირში ქალბატონი მაყვალა ხარებავა, თურქული ორგანიზაციების წარმომადგენლები საქართველოში, თურქოლოგები, მთარგმნელები, თურქი და ქართველი ხელოვნების მოყვარულები და სხვა მოწვეული სტუმრები დაესწრნენ.
სიტყვით გამოსვლისას თურქეთის რესპუბლიკის ელჩმა საქართველოში ფატმა ჯერენ იაზგანმა ისაუბრა იუნუს ემრეს მნიშვნელობასა და როლზე თურქულ ლიტერატურაში. მადლობა გადაუხადა იუნუს ემრეს სახელობის ინსტიტუტს და აღნიშნა: „იუნუს ემრეს ლექსები პირველად ხვდება ქართველ მკითხველს. ეს ძალიან ამაღელვებელი პროექტია“.
Diğer Etkinlikler
იუნესკომ, საქართველოს...
თბილისის იუნუს ემრეს სახელობის ინსტიტუტმა მონაწილეობა მიიღო საქართველოს წიგნის გამომცემელთა და...