ტრადიციული თურქული მშვილდოსნობის პოპულარიზაციისა და სპორტის ამ დარგში სპორტსმენების აღზრდის გზით კულტურათაშორის დიალოგის გაღრმავების მიზნით იუნუს ემრეს სახელობის ინსტიტუტისა და მშვილდოსანთა ფონდის ერთობლივი პროექტის ფარგლებში საქართველოში, ქალაქ მარნეულში 2021 წლის 5 ოქტომბერს „ტრადიციული თურქული მშვილდოსნობის კურსი“ დაიწყო.

კვირაში 4 საათიანი მეცადინეობები გაგრძელდება 9 კვირა და მას გაუძღვება 2019 წლის 15-22 აპრილს ქ. სტამბოლში მშვილდოსანთა ფონდის სპორტულ დაწესებულებაში ჩატარებული „თურქული მშვილდოსნობის მესამე ტრენინგი“ს მონაწილე, შესაბამისი სერთიფიკატის მფობელი ტრენერი საქართველოდან. სხვადასხვა ასაკობრივი ჯგუფების მონაწილეები გაეცნობიან თურქული მშვილდოსნობის ისტორიას, ძირითად წესებს და მიეცემათ ისრის ტყორცნის შესაძლებლობაც.   

კურსის დასასრულს ჩატარდება შეჯიბრება ისრის ტყორცნაში და გაიმართება სერთიფიკატის გადაცემის ცერემონია.