თავმჯდომარის გზავნილი

თავმჯდომარის გზავნილი

მივესალმები მსოფლიო ოთხ კუთხეს!

იუნუს ემრეს სახელობის ინსტიტუტი დაარსდა იუნუს ემრეს ფონდის ბაზაზე და მსოფლიოს 44 ქვეყანაში 56 კულტურის ცენტრის მეშვეობით ცდილობს გააცნოს მათ თურქეთი, თურქული ენა, ლიტერატურა, ისტორია, კულტურა და ხელოვნება.  გააძლიეროს და გაამყაროს მეგობრული და კულტურული კავშირები თურქეთსა და სხვა ქვეყნებს შორის.

თურქეთის, რომელმაც შეინარჩუნა ანატოლიის მნიშვნელოვანი ცივილიზაციები, იუნუს ემრეს სახელობის ინსტიტუტი ცდილობს  კულტურული მემკვიდრეობა გააცნოს მსოფლიოს. მას თურქული ენის სწავლების, გავრცელების, ჩვენი ისტორიული და კულტურული მემკვიდრეობის პოპულარიზაციის საკითხში განსაკუთრებული როლი აკისრია.

ჩვენი ინსტიტუტის სახელი იუნუს ემრე ანატოლიიდან მოდის  და იგი ადამიანურ ღირებულებებს, ჰუმანიზმსა და საზოგადოებრივ მშვიდობას გამოხატავს. ინსტიტუტი მსოფლიოს ოთხ კუთხეში არსებული კულტურის ცენტრების საშუალებით აგრძელებს ჩვენი ენისა და კულტურის გაცნობით სამუშაოებს.

ინსტიტუტი არის ერთგვარი სახე ჩვენი ქვეყნისა კულტურული დიპლომატიის სფეროში და მისი მიზანია, თურქეთის რესპუბლიკის დაარსების 100 წლისთავთან დაკავშირებით, 2023 წელს კულტურის ცენტრების რაოდენობა 100-მდე გაზარდოს, თურქული ენის სწავლებითა და კულტურულ სფეროში დაგეგმილი ღონისძიებებით კიდევ უფრო ახლოს და სწორი წყაროების საშუალებით გააცნოს მსოფლიო საზოგადოებას თურქეთი; კულტურათაშორისი ღონისძიებებით შეიტანოს წვლილი მსოფლიოს კულტურული მემკვიდრეობის საკითხში.

აქედან გამომდინარე, ჩვენი ინსტიტუტი სხვადასხვა ინსტიტუტებთან თანამშრომლობით ხელს უწყობს სამეცნიერო და კულტურულ სამუშაოებს, მიღწეულ შედეგებს უზიარებს მსოფლიოს საზოგადოებას სხვადასხვა გამოცემების საშუალებით და ამ გზით აგრძელებს მსოფლიოს კულტურათა შორის ხიდების მშენებლობას.

სიყვარულითა და პატივისცემით,

პროფ. შერეფ ათეში